«Կան նշաններ, որ Խամենեին այլևս չկա». Նեթանյահու

Իսրայելի վարչապետ Բենյամին Նեթանյահուն հայտարարել է, որ «կան բազմաթիվ նշաններ, որ [Իրանի գերագույն հոգևոր առաջնորդ Ալի] Խամենեին այլևս կենդանի չէ»։ Նեթանյահուի ելույթը հեռարձակել է իսրայելական հեռուստատեսությունը։

«Մեր թիրախը այն վայրն էր, որտեղ Խամենեին էր»,- հայտարարել է նա։

Իրանի արտաքին գործերի նախարարությունից պնդում են, որ այաթոլլան անվտանգ է։

Նեթանյահուն նաև դիմել է իրանցիներին՝ ասելով, որ հարվածները կօգնեն նրանց «ազատվել բռնապետության շղթաներից»։ Նա կոչ է արել իրանցիներին դուրս գալ փողոցներ «և ավարտել սկսածը»։

Իսրայելի վարչապետը հայտարարել է, որ Իրանի դեմ հարվածները կշարունակվեն «այնքան, որքան անհրաժեշտ կլինի»։