Իմ դեմ հարուցված քրեական գործերը շինծու և անհիմն են․ Սեյրան Օհանյան

Ազգային ժողովի «Հայաստան» խմբակցության ղեկավար, պաշտպանության նախկին նախարար Սեյրան Օհանյանն իր դեմ հարուցված քրեական գործերը համարում է «շինծու և անհիմն»։

«Վերջերս Գեղարքունիքի մարզում տեղի ունեցած աննախադեպ ողբերգական դեպքը, որին զոհ դարձան մեր 15 զինծառայողները, ևս մեկ անգամ ցույց է տալիս օրվա իշխանության իրական վերաբերմունքը մեր զինվորների, բանակի, պետության նկատմամբ։ Իրենց հանցավոր քաղաքականությունը կոծկելու համար էլ որոշեցին դիմել փորձված մեթոդի և այլ մեղավորներ նշանակել: Իրենք որոշել են մեզ դատել՝ կարծելով, թե այդպիսով կարողանալու են խուսափել իրենց սպասվող դատաստանից։ Որոշել են աղմուկ բարձրացնել, որ իրենց աղաղակող հանցագործությունների գնահատականները խլացնեն»,- տեսաուղերձում հայտարարել է նա։

Օհանյանը հայտնում է, որ «Հայաստան» խմբակցությունը չի մասնակցելու իրեն անձեռնամխելիությունից զրկելու հարցով ԱԺ նիստին․ «Խորհրդարանում ուզում են թատրո՞ն կազմակերպել, թող կազմակերպեն, բայց դա կլինի մեկ գավառական դերասանի՝ քպ-ի թատրոն: Մենք չենք մասնակցի դրան: Թող անեն իրենց շոուն առանց մեզ»։

https://civilnet.am/news/691046/%d5%bd%d5%a5%d6%80%d5%aa-%d5%bd%d5%a1%d6%80%d5%a3%d5%bd%d5%b5%d5%a1%d5%b6%d5%a8-%d5%be%d5%a1%d5%b0%d5%a5-%d5%b5%d5%a1%d6%84%d5%b8%d6%82%d5%a2%d5%b5%d5%a1%d5%b6%d5%a8-%d5%a3%d6%80%d5%ab%d5%a3%d5%b8%d6%80%d5%ab-%d5%ad%d5%a1%d5%b9%d5%a1%d5%bf%d5%b8%d6%82%d6%80%d5%b8%d5%be%d5%a8%d5%9d-%d5%bd%d5%a5%d6%80%d5%b5%d5%a1%d5%b6-%d6%85%d5%b0%d5%a1%d5%b6%d5%b5%d5%a1%d5%b6%d5%ab-%d5%a3%d5%b8%d6%80%d5%ae%d5%b8%d6%82%d5%b4-%d5%a4%d5%a1%d5%bf%d5%a1%d5%ad%d5%a1%d5%a6%d5%b8%d6%82%d5%a9%d5%b5%d5%a1%d5%b6-%d5%b4%d5%ab%d5%bb%d5%b6%d5%b8%d6%80%d5%a4%d5%a1%d5%a3%d6%80%d5%a5%d6%80%d5%a8/