Իսրայելի ավիահարվածի հետևանքով Սիրիայում մահացել է իրանցի հինգ զինվորական

Հունվարի 20-ին Իսրայելի ավիահարվածի հետևանքով Սիրիայում մահացել է իրանցի հինգ զինվորական, հայտարարում է իրանական IRNA գործակալությունը։

Ըստ իրանական կողմի՝ իսրայելական ուժերը հարվածել են Դամասկոսի ուղղությամբ՝ թիրախավորելով քաղաքի արևմտյան շրջանի լավ պահպանվող բնակելի թաղամասերից մեկը, որի հետևանքով մահացել են սիրիացի և Իրանի հեղափոխության պահապանների կորպուսի (ԻՀՊԿ) զինվորականներ։ Ըստ Թեհրանի՝ նրանք Սիրիայում էին որպես խորհրդականներ և պաշտպանում էին մի շարք սրբատեղիներ։

Միջադեպի կապակցությամբ ցավակցական ուղերձներ են հղել Իրանի նախագահ Էբրահիմ Ռայիսին, արտգործնախարար Հոսեյն Ամիր Աբդոլլահիանն ու այլ բարձրաստիճան պաշտոնյաներ։ Թեհրանը խոստանում է անպատասխան չթողնել Իսրայելի գործողությունները։

Օրերս Իրանն ավիահարվածներ էր հասցրել Իրաքյան Քուրդիստանի ուղղությամբ, որի շրջանակում թիրախավորել էր Էրբիլ քաղաքում գտնվող իսրայելական հատուկ ծառայության՝ Մոսադի շտաբերից մեկը։ 

https://civilnet.am/news/761968/%d5%ab%d6%80%d5%a1%d5%b6%d5%a8-%d5%b0%d5%a1%d6%80%d5%be%d5%a1%d5%ae%d5%b6%d5%a5%d6%80-%d5%a7-%d5%b0%d5%a1%d5%bd%d6%81%d6%80%d5%a5%d5%ac-%d5%ba%d5%a1%d5%af%d5%ab%d5%bd%d5%bf%d5%a1%d5%b6%d5%b8%d6%82%d5%b4-%d5%bf%d5%a5%d5%b2%d5%a1%d5%af%d5%a1%d5%b5%d5%be%d5%a1%d5%ae-%d5%bb%d5%a1%d5%b5%d5%b7-%d5%b8%d6%82%d5%ac-%d5%a1%d5%a4%d5%ac-%d5%ad%d5%b4%d5%a2%d5%a1%d5%be%d5%b8%d6%80%d5%b4%d5%a1%d5%b6-%d5%a4%d5%ab%d6%80%d6%84%d5%a5%d6%80%d5%ab%d5%b6/