Ռուս սահմանապահները հեռացան «Զվարթնոցից». արձանագրությունը ստորագրվեց

Ռուսաստանի սահմանապահ ծառայության ներկայացուցիչները հայկական կողմի պահպանությանն են հանձնել «Զվարթնոց» օդային անցակետի պետական սահմանը։

«Սպուտնիկ Արմենիա»-ի հաղորդմամբ՝ արձանագրությունը ստորագրել են ՀՀ ազգային անվտանգության ծառայության սահմանապահ զորքերի հրամանատար Էդգար Հունանյանը և Հայաստանում Ռուսաստանի անվտանգության դաշնային ծառայության սահմանապահ վարչության պետ, գեներալ-լեյտենանտ Ռոման Գոլուբիցկին:

Ռուս սահմանապահները «Զվարթնոցում» տեղակայվել են Ռուսաստանի Դաշնության և Հայաստանի Հանրապետության միջև ՀՀ տարածքում գտնվող ՌԴ սահմանապահ զորքերի կարգավիճակի և դրանց գործունեության պայմանների մասին 1992-ի սեպտեմբերի 30-ի պայմանագրի համաձայն:

***

Հայաստանի վարչապետ Նիկոլ Փաշինյանը մարտի 12-ին կայացած ասուլիսին հայտարարել էր, որ Հայաստանը տեղեկացրել է ռուսական կողմին «Զվարթնոց» օդանավակայանում առանց ռուս սահմանապահների աջակցության հսկողություն իրականացնելու Երևանի որոշման մասին․ «Այնտեղ ժամկետը նշված է 2024-ի օգոստոսի 1-ը։ Օգոստոսի 1-ից մենք ծառայությունը ինքնուրույն կիրականացնենք»,- ասել էր վարչապետը։

Մարտի 6-ին Անվտանգության խորհրդի քարտուղար Արմեն Գրիգորյանը հայտնել էր, որ Հայաստանը պաշտոնական նամակով դիմել է ռուսական կողմին և տեղեկացրել՝ «Զվարթնոց» օդանավակայանում ծառայություն պետք է իրականացնեն միայն հայ սահմանապահները։

https://civilnet.am/news/766277/%d5%b8%d5%b9-%d5%a2%d5%a1%d6%80%d5%a5%d5%af%d5%a1%d5%b4%d5%a1%d5%af%d5%a1%d5%b6-%d5%ba%d5%a1%d5%b0%d5%be%d5%a1%d5%ae%d6%84%e2%80%a4-%d5%a6%d5%a1%d5%ad%d5%a1%d6%80%d5%b8%d5%be%d5%a1%d5%b6%d5%9d-%d5%a6%d5%be%d5%a1%d6%80%d5%a9%d5%b6%d5%b8%d6%81%d5%ab%d6%81-%d5%bc%d5%b8%d6%82%d5%bd-%d5%bd%d5%a1%d5%b0%d5%b4%d5%a1%d5%b6%d5%a1%d5%ba%d5%a1%d5%b0%d5%b6%d5%a5%d6%80%d5%ab%d5%b6-%d5%a4%d5%b8%d6%82%d6%80%d5%bd-%d5%a2%d5%a5%d6%80%d5%a5%d5%ac%d5%b8%d6%82-%d5%b4%d5%a1%d5%bd%d5%ab%d5%b6/ https://civilnet.am/news/765963/%d5%b3%d5%ab%d5%b7%d5%bf-%d5%af%d5%ac%d5%ab%d5%b6%d5%ab-%d5%b8%d6%80-%d5%bc%d5%b8%d6%82%d5%bd-%d5%bd%d5%a1%d5%b0%d5%b4%d5%a1%d5%b6%d5%a1%d5%ba%d5%a1%d5%b0%d5%b6%d5%a5%d6%80%d5%a8-%d5%a4%d5%b8%d6%82%d6%80%d5%bd-%d5%a3%d5%a1%d5%b6-%d5%a6%d5%be%d5%a1%d6%80%d5%a9%d5%b6%d5%b8%d6%81%d5%ab%d6%81%e2%80%a4-%d5%a1%d5%ac%d5%a5%d5%b6-%d5%bd%d5%ab%d5%b4%d5%b8%d5%b6%d5%b5%d5%a1%d5%b6/