Մեկ տարեկան երեխայի սպանության փորձի համար մեկ անձ ձերբակալվել է
Civilnet
Արարատի մարզում մեկ տարեկան երեխայի սպանության փորձի համար կա ձերբակալված անձ։ Այս մասին հայտնել են ՆԳՆ մամուլի ծառայությունից։
«Քրեական ոստիկանության ծառայողները սպանության փորձի կասկածանքով ձերբակալել են մեկ անձի և ներկայացրել նախաքննական մարմին»,- հայտնել են ՆԳՆ-ից։
shamshyan.com–ը գրել է, որ «կլինիկական մահ» ախտորոշմամբ Երևանի «Արաբկիր» բժշկական կենտրոն է տեղափոխվել տղա երեխա՝ մեկ տարեկան երկու ամսական։ Նշվում է, որ երեխային ծեծել է ծնողներից մեկը։
Դեպքի առթիվ Քննչական կոմիտեի Երևան քաղաքի քննչական վարչությունում սպանության փորձի հատկանիշներով նախաձեռնվել է քրեական վարույթ:
ԶԼՄ-ների տեղեկություններով՝ ձերբակալվածը երեխայի խորթ մայրն է:
Պատմություններ
