Civilnet
Դատարանը վերացրել է Մկրտիչ եպիսկոպոս Պռոշյանի նկատմամբ տնային կալանքը: Խափանման միջոցը փոխվել է վարչական հսկողության և չհեռանալու մասին ստորագրության:
Արագածոտնի թեմի առաջնորդը կալանավորվել էր հոկտեմբերի 16-ին։ Նրա նկատմամբ հանրային քրեական հետապնդում էր հարուցվել՝ պաշտոնեական դիրքն օգտագործելով ընտրական իրավունքի իրականացումը խոչընդոտելու, իշխանական կամ ծառայողական լիազորություններն օգտագործելով հավաքներին մասնակցելուն հարկադրելու մեղադրանքով։
Նրա նկատմամբ մեղադրանքը ներկայացվել էր Արագածոտնի թեմի արդեն կարգալույծ քահանա Ստեփան Ասատրյանի (նախկինում՝ Տեր Արամ քահանա) հայտարարության հիման վրա։
Սեպտեմբերի 16-ին Հանրային հեռուստատեսության եթերում Տեր Արամ քահանան հայտարարել էր, որ 2021-ին Հայ առաքելական եկեղեցու ներսում եղել է պարտադրանք՝ քաղաքական ուժերից մեկի նախընտրական հանրահավաքներին մասնակցելու համար։
Փետրվարի 12-ին Մկրտիչ եպիսկոպոս Պռոշյանի խափանման միջոց կալանքը փոխվել էր, և որպես այլընտրանքային միջոց է կիրառել տնային կալանքը:
Պատմություններ
