ԱՄՆ-ում հազարավոր մարդիկ փողոց են դուրս եկել՝ ընդդեմ Թրամփի քաղաքականության և Իրանի պատերազմի

«Ոչ թագավորներին». ԱՄՆ-ում հազարավոր մարդիկ փողոց են դուրս եկել՝ ընդդեմ Թրամփի քաղաքականության և Իրանի պատերազմի։ Հայտնում են ամերիկյան լրատվամիջոցները։

Երկրի տարբեր քաղաքներում անցկացվել է շուրջ 3,3 հազար ակցիա, ընդհանուր առմամբ դրանց մասնակցել է մոտ 8 մլն մարդ, հայտարարել են կազմակերպիչները: Կազմակերպիչների փոխանցմամբ՝ իրենք բողոքում են ԱՄՆ նախագահ Դոնալդ Թրամփի կողմից իրականացվող քաղաքականության, այդ թվում՝ Իրանի դեմ պատերազմի, դաշնային ներգաղթի վերահսկողության խստացման և ապրուստի ծախսերի մեծացման դեմ։

Մարտի 28-ին ցույցեր են տեղի ունեցել ԱՄՆ-ի գրեթե բոլոր խոշոր քաղաքներում, այդ թվում՝ Նյու Յորքում, Վաշինգտոնում և Լոս Անջելեսում: Դալլասում և Լոս Անջելեսում բախումներ են գրանցվել, Reuters-ը հայտնում է ձերբակալվածների մասին: