Ընթացիկ տարվա առաջին եռամսյակում Հայաստանի զբոսաշրջության ոլորտը գրանցել է բարձ ակտիվություն՝ արձանագրելով 18,2 տոկոս աճ, որն էկոնեմիկայի նախարարն արդեն անվանել է ռեկորդային ցուցանիշ:
Հայաստանի զբոսաշրջության կոմիտեի տվյալների համաձայն՝ տարեսկզբի երեք ամիսներին պահպանվել է այցելությունների աճի դինամիկան, ինչն իր արտացոլումն է գտել ինչպես եռամսյակային, այնպես էլ առանձին ամիսների ցուցանիշներում։
Ըստ այդ տվյալների` ինչպես տոկոսային հարաբերակցությամբ, այնպես էլ բացարձակ թվերով երկրի զբոսաշրջային ոլորտը գրանցել է աճ։
Այս տարվա հունվար-մարտ ամիսներին Հայաստան է ժամանել ընդհանուր առմամբ 453,138 զբոսաշրջիկ, որը գերազանցում է նախորդ տարվա նույն ժամանակահատվածի ցուցանիշը 70 հազարով, իսկ միայն մարտին զբոսաշրջիկների թիվը հասել է 152,444-ի` շուրջ 21 հազարով (շուրջ 16,1 տոկոս աճ) ավելի, քան նախորդ տարվա նույն ամսում:
Ինչպես մանրամասնել է կոնոմիկայի նախարար Գևորգ Պապորյանը, այս եռամսյակի ցուցանիշը նախորդ տարվա նույն ժամանակահատվածի արդյունքները գերազանցում է 18,2 տոկոսով կամ ավելի քան 70 հազար զբոսաշրջիկով։
«Սա Հայաստանի զբոսաշրջային վիճակագրության պատմության մեջ ռեկորդային ցուցանիշ է»,- ասել է նախարարը ֆեյսբուքյան իր էջում տեղադրված տեսանյութում։
Պատմություններ
