Ապրիլի 20-ի դրությամբ Ազգային ժողովի ընտրությունների համար ՀՀ կենտրոնական ընտրական հանձնաժողով (ԿԸՀ) է ներկայացվել միայն երկու առաջադրման հայտ:
Ինչպես տեղեկացնում է ԿԸՀ-ն, այսօր՝ ապրիլի 20-ին, առաջադրման հայտ է ներկայացրել «Բարգավաճ Հայաստան» կուսակցությունը: Սա երկրորդ հայտն է առաջադրումների գործընթացի մեկնարկից ի վեր, որը տեղի է ունեցել ապրիլի 13-ին: Ավելի վաղ՝ ապրիլի 15-ին, ԿԸՀ առաջադրման փաստաթղթեր էր ներկայացրել «Քաղաքացիական պայմանագիր» կուսակցությունը:
ԱԺ ընտրությունների առաջադրումները կշարունակվեն մինչև ապրիլի 23-ը՝ ժամը 18:00-ն: Այսինքն, կուսակցությունները և կուսակցությունների դաշինքները դեռևս ունեն երեք օր հայտեր ներկայացնելու համար:
Պատմություններ
