Թուրքիայի փոխնախագահ Ջևդեթ Յըլմազը կժամանի Հայաստան՝ մասնակցելու Եվրոպական քաղաքական համայնքի 8-րդ գագաթնաժողովին։ Յըլմազը կներկայացնի Թուրքիան։ Այս մասին հայտնում է թուրքական պետական Anadolu գործակալությունը։
Հաղորդագրության մեջ նշվում է, որ հանդիպման ընթացքում կքննարկվեն ժողովրդավարական դիմակայունության ամրապնդման, կապակցվածության զարգացման, ինչպես նաև տնտեսական և էներգետիկ անվտանգության ամրապնդման նպատակով ավելի սերտ համագործակցության և համակարգման ապահովման քայլերը։
«Թուրքիայի փոխնախագահ Ջևդեթ Յըլմազի այցը Երևան կլինի այս մակարդակով իրականացվող առաջին այցը»,- նշված է հաղորդագրությունում։
Եվրոպական քաղաքական համայնքի 8-րդ գագաթնաժողովը կանցկացվի մայիսի 4–ին Երևանում։
Պատմություններ
