Թուրքիան ողջունում է Ադրբեջանի և Հայաստանի միջև ընթացող խաղաղ բանակցությունները, որոնք արդեն իսկ շոշափելի արդյունքներ են բերել, և վերահաստատում է իր լիակատար աջակցությունը Հարավային Կովկասում խաղաղության գործընթացին։ Այս մասին հայտարարել է Թուրքիայի Ազգային մեծ ժողովի նախագահ Նուման Քուրթուլմուշը հունիսի 24-ին Բաքվում ընթացող Իսլամական համագործակցության կազմակերպության անդամ պետությունների Խորհրդարանական միության համաժողովի 20-րդ նստաշրջանի ժամանակ։
Իր ելույթում թուրքական խորհրդարանի ղեկավարը հույս է հայտնել, որ ամերիկա-իրանական կարգավորման օրինակով Կովկասում նույնպես կհաստատվի կայուն ու վերջնական խաղաղություն Ադրբեջանի և Հայաստանի միջև։
«Հույս ունեմ, ամերիկա-իրանական կարգավորման պես, Կովկասում նույնպես կհաստատվի կայուն և վերջնական խաղաղություն Ադրբեջանի և Հայաստանի միջև, և այս հողերը հավերժ կմնան խաղաղության, կայունության ու բարգավաճման տարածաշրջան»,- ասել է թուրք պաշտոնյան։
Պատմություններ
