Հայ մարզիկները Բաքվում մասնակցում են ըմբշամարտի աշխարհի առաջնությանը

Բաքվում հուլիսի 27-ին մեկնարկել է Մ-17 տարեկանների ըմբշամարտի աշխարհի առաջնությունը, որին նաև հայ մարզիկներ են մասնակցում, տեղեկացնում են Ըմբշամարտի ֆեդերացիայից:

Մրցումային առաջին օրը գորգ դուրս կգան հետևյալ ըմբիշները՝

48 կգ Արարատ Ավետիսյանը,

55 կգ Գեղամ Եղիազարյանը,

65 կգ Վազգեն Մնացականյանը,

80 կգ Վահե Հովեյանը,

110 կգ Խաչիկ Խաչատրյանը:

Ավելի վաղ ֆեդերացիայից հայտնել էին, որ Ադրբեջանը պաշտոնապես լրացուցիչ անվտանգության երաշխիքներ է տվել հայ մարզիկների համար:

Հայաստանի ազատ և հունահռոմեական ոճի մինչև 17 տարեկանների (Մ17) հավաքականները կմասնակցեն հուլիսի 27-ից օգոստոսի 2-ը Բաքվում անցկացվելիք ըմբշամարտի աշխարհի առաջնությանը։