Իսրայելական օդային հարվածների հետևանքով սեպտեմբերի 6-ին Լիբանանի հարավում առնվազն չորս մարդ է զոհվել, ևս 20-ը՝ վիրավորվել, հայտնում է Լիբանանի առողջապահության նախարարությունը։
Առողջապահության նախարարության տվյալներով՝ Նաբատիե ալ-Ֆաուքայում երկու մարդ է զոհվել, ևս երկուսը՝ վիրավորվել։ Արաբ Սալիմում զոհվել է երկու կին, վեց մարդ վիրավորվել է։ Նաբատիեի Ալ-Ռահիբաթ թաղամասում վիրավորվել է ութ, իսկ Քֆար Ռեմանում՝ չորս մարդ։
Իսրայելի պաշտպանության բանակը հայտարարել է, որ հարվածները հասցրել է այն բանից հետո, երբ «Հեզբոլլահը» երկու անօդաչու թռչող սարք է արձակել Լիբանանի հարավում իսրայելական ուժերի ուղղությամբ։ Իսրայելական կողմը դա որակել է որպես հրադադարի պայմանավորվածությունների խախտում։
Հունիսին Իսրայելն ու «Հեզբոլլահը» ԱՄՆ-ի միջնորդությամբ հրադադարի համաձայնության են հասել, սակայն դրանից հետո ևս կողմերի միջև բախումներն ու հարվածները շարունակվել են։
Ավելի քան 4000 մարդ է զոհվել մարտի 2-ին Լիբանանում իսրայելական ռազմական գործողությունների մեկնարկից ի վեր, որոնք սկսվել են Իրանի ուղղությամբ ԱՄՆ-ի և Իսրայելի հարվածներից ընդամենը մի քանի օր անց։
Իսրայելը հայտարարել է, որ Լիբանանում իր գործողությունները նպատակ ունեն զինաթափելու և կազմաքանդելու խմբավորումը, որի դեմ Իսրայելը պայքարում էր նաև 2023 և 2024 թվականներին՝ Գազայի ցեղասպանությանը զուգահեռ։
Պատմություններ
