Նոյեմբերի 8-ին Հայաստանի ողջ տարածքում ժամանակ առ ժամանակ սպասվում են տեղումներ, լեռնային և նախալեռնային գոտիներում՝ ձյուն և թաց ձյուն։ Այս մասին հայտնում է ՇՄՆ «Հիդրոօդերևութաբանության և մոնիտորինգի կենտրոնը»։
Նոյեմբերի 9-ի գիշերը տեղումներ են սպասվում հանրապետության ողջ տարածքում, իսկ ցերեկը՝ միայն Սյունիքում։
Առանձին շրջաններում սպասվում է քամու ուժգնացում՝ մինչև 16-19 մ/վ։ Օդի ջերմաստիճանը նոյեմբերի 8-9-ի ցերեկային ժամերին աստիճանաբար կնվազի 3-5, իսկ նոյեմբերի 8-10-ի գիշերը՝ 9-11 աստիճանով։
Երևանում նոյեմբերի 8-ին ժամանակ առ ժամանակ սպասվում է անձրև, իսկ երեկոյան և նոյեմբերի 9-ի գիշերը քաղաքի բարձրադիր գոտիներում՝ թաց ձյուն։ Նոյեմբերի 9-ի ցերեկը և 10-12-ը սպասվում է առանց տեղումների եղանակ։
Պատմություններ
