Ֆյուլեն արձագանքել է Էրդողանի ուղերձին

Եվրամիության ընդլայնման և հարևանության քաղաքականության հարցերով հանձնակատար Շտեֆան Ֆյուլեն Թվիթերի իր էջում գրառում է կատարել` անդրադառնալով Թուրքիայի վարչապետ Ռեջեփ Թայիփ Էրդողանի ապրիլի 23-ի ուղերձին: «Ողջունում ենք Թուրքիայի վարչապետ Ռեջեփ Թայիփ Էրդողանի հայտարարությունը` հայերի վերաբերյալ: Հաշտեցումը Եվրոպական Միության առանցքային արժեք է: Հուսով` այս ոգով քայլերը շարունակական կլինեն»,- գրել է Ֆյուլեն: Ապրիլի 23-ին Թուրքիայի վարչապետ Ռեջեփ Թայիփ Էրդողանը հանդես է եկել ուղերձով՝ «1915թ. իրադարձությունների» վերաբերյալ: Յոթ լեզուներով հրապարակված ողերձում Էրդողանն անդրադարձել է «Առաջին աշխարհամարտի ժամանակ հայերի կրած տառապանքներին»: Ուղերձի հրապարակմանը ժամեր անց արձագանքել է ԱՄՆ Հայ դատի հանձնախումբը, որի հայտարարության մեջ մասնավորապես ասված էր․«Լինելով միջազգայնորեն ավելի ու ավելի մեկուսացված՝ Անկարան «վերափաթեթավորում է» Ցեղասպանության իր ժխտումները։