Պուտինն ու Էրդողանը հեռախոսազրույց են ունեցել, քննարկել Ցեղասպանությունը
Civilnet
Ռուսաստանի նախագահ Վլադիմիր Պուտինը մարտի 17-ին հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ: Կրեմլի կայքի հաղորդմամբ՝ խոսակցությունը կայացել է թուրքական կողմի նախաձեռնությամբ:
Քննարկվել են երկկողմ փոխգործակցության տարբեր խնդիրներ, էներգետիկ ոլորտում համատեղ նախագծերը, այդ թվում՝ «Թուրքական հոսքը», տեղի է ունեցել նաև միջազգային և տարածաշրջանային ակտուալ խնդիրների, ինչպես նաև բարձր մակարդակով ակնկալվող շփումների ժամանակացուցի վերաբերյալ կարծիքների փոխանակում:
Ըստ թուրքական կառավարամերձ Anadolu գործակալության՝ 30 րոպե տևած զրույցի ժամանակ խոսվել է նաև 1915թ. իրադարձությունների մասին: Էրդողանն ասել է, որ Հայաստանն անտեսում է Թուրքիայի՝ խաղաղության կոչերը, մերժում է պատմաբանների հանձնաժողով ստեղծելու առաջարկը: Նա ասել է նաև, որ «Թուրքիան այս հարցում առաջնորդվում է արդար հիշողության սկզբունքով»:
Պատմություններ
