Ապրիլի 24-ին Մոսկվայում 3-հազարանոց հանրահավաք կանցկացվի
Civilnet
Մոսկվայում կայանալիք հանրահավաքը խոստանում է դառնալ ամենալայնամասշտաբը:
Ապրիլի 24-ին Ռուսաստանի հանրությունն ու հայկական սփյուռքը Մոսկվայում կանցկացնեն 3-հազարանոց հանրահավաք. այս մասին TASS գործակալությանն ասել է Ռուսաստանի հայերի միության փոխնախագահ Լևոն Մուքանյանը:
Միության փոխնախագահի խոսքով՝ մայրաքաղաքի իշխանությունների հետ համաձայնեցված՝ ապրիլի 24-ին համաքաղաքային հանրահավաք կանցկացվի: Նա հիշեցրել է, որ Ռուսաստանի հայերի միությունն ավելի քան տասը տարի է՝ ապրիլի 24-ին հիշատակման արարողություններ է կազմակերպում, որոնց մասնակցում են հարյուրավոր մարդիկ: Այս տարվա հանրահավաքը խոստանում է դառնալ ամենալայնամասշտաբը. մասնակցության համար հայտ է ներկայացրել մոտ երեք հազար հոգի:
Ինչպես հաղորդում է TASS գործակալությունը, Հայոց ցեղասպանության 100-րդ տարելիցին նվիրված արարողություններ կանցկացվեն Ռուսաստանի ավելի քան 600 քաղաքներում:
Իրադարձություն
Պատմություններ
