Պուտինի ուղերձը՝ Ցեղասպանության 100-րդ տարելիցի կապակցությամբ
Civilnet
Ռուսաստանի դիրքորոշումը շարունակում է լինել անկողմնակալ և հետևողական՝ ազգային հողի վրա զանգվածային բնաջնջմանն արդարացում չկա. այսպիսի ուղերձ է հղել Ռուսաստանի Դաշնության նախագահ Վլադիմիր Պուտինը «Աշխարհն առանց ցեղասպանության» հուշ-երեկոյի մասնակիցներին: Կրեմլի կայքում հրապարակված ուղերձը թարգմանաբար ներկայացված է ստորև:
«Հարգելի բարեկամներ,
1915թ. ապրիլի 24-ը սգո օր է, որը կապված է մարդկության ամենասարսափելի և դրամատիկ իրադարձություններից մեկի՝ հայ ժողովրդի ցեղասպանության հետ:
Մեկ դար անց մենք խոնարհում ենք մեր գլուխները ի հիշատակ այդ ողբերգության բոլոր զոհերի. մենք մեր երկրում այն մշտապես ընկալել ենք որպես սեփական ցավ ու դժբախտություն:
Ռուսաստանի դիրքորոշումը շարունակում է լինել անկողմնակալ և հետևողական՝ ազգային հողի վրա զանգվածային բնաջնջմանն արդարացում չկա: Միջազգային հանրությունը կոչված է անել ամեն բան, որպեսզի նման չարագործությունները ոչ մի տեղ և երբեք չկրկնվեն: Հայերի և տարածաշրջանի մյուս ժողովուրդների նոր սերունդները պետք է ապրեն խաղաղ և համերաշխ՝ չտեսնելով այն արհավիրքները, որոնց հագեցնում է կրոնական թշնամանքի, ագրեսիվ ազգայնականության և այլատյացության հրահրումը:
Եղբայրական Հայաստանին, Ռուսաստանում ապրող բոլոր հայերին մաղթում եմ բարիք, խաղաղություն ու բարեկեցություն:
Հավերժ հիշատակ նահատակներին»:
Իրադարձություն
Պատմություններ
