Civilnet
Բաքվում սեպտեմբերի 11-ին մեկնարկած շախմատի աշխարհի գավաթի խաղարկության առաջին փուլը Հայաստանի պատվիրակության առաջատար Լևոն Արոնյանը մեկնարկել է հաղթանակով:
Գրոսմայստերն ուժերը չափել է լուքսեմբուրգցի Միքայել Վիդենկելլերի հետ: Պարտիան տևել է մոտ երեք ժամ. Արոնյանն առավելության է հասել մրցակցի նկատմամբ 33-րդ քայլում:
Գաբրիել Սարգսյանը ոչ ոքի է խաղացել Լեհաստանի ներկայացուցիչ Մատեուշ Բարտելի հետ:
Սամվել Տեր-Սահակյանը խաղում է Ռուսաստանը ներկայացնող Նիկիտա Վիտյուգովի հետ, Հրանտ Մելքումյանը` ԱՄՆ-ը ներկայացնող Գատա Կամսկիի հետ:
Աշխարհի գավաթի խաղարկությանը մասնակցում են 128 շախմատիստներ: Յուրաքանչյուր մրցամարտի ժամանակ կողմերը խաղալու են 2 պարտիա՝ մեկական սպիտակ և սև գույներով: Հավասար՝ 1 : 1 հաշվի դեպքում կանցկացվեն լրացուցիչ պարտիաներ արդեն արագ և անհրաժեշտության դեպքում նաև կայծակնային խաղի կանոններով՝ մինչև կորոշվի հաղթողը: Պայքարն ընթանալու է նոկաուտ համակարգով՝ պարտվողը դուրս է մնալու հետագա պայքարից:
Մասնակիցների մեջ են նաև ԱՄՆ-ն ներկայացնող հայազգի գրոսմայստերներ Վարուժան Հակոբյանն ու Սամուել Սևյանը:
Աշխարհի գավաթի խաղարկության արդյունքներին կարող եք հետևել այստեղ:
Պատմություններ
