Փայլանը Թուրքիայի խորհրդարանից պահանջում է հետաքննել 1915թ․ «Ժամանակավոր տեղահանության մասին» օրենքի հետևանքները

Թուրքիայի խորհրդարանի հայազգի պատգամավոր Կարո Փայլանը երկրի խորհդարանի նախագահությանը ներկայացրել է առաջարկ՝ հետաքննել 1915թ․ մայիսի 27-ի «Ժամանակավոր տեղահանության օրենք»-ի հետևանքները․ այս մասին նա գրառում է արել Ֆեյսբուքում՝ տեղեկացնելով, որ առաջարկը ներկայացրել է Մեջլիսի նախագահությանը։ Նա նշում է, որ օրենքը ասորական, խալդիական, եզդիական, հունական, հայկական համայնքներում մեծ ավերածությունների պատճառ է դարձել, և չնայած 102 տարի է անցել օրենքի ընդունումից, սակայն Թուրքիայի Ազգային մեծ ժողովը մինչև հիմա չի հետազոտել վերոհիշյալ օրենքի հետևանքները։ «Հանրահայտ փաստ է, որ Տեղահանության մասին օրենքի պատճառով կորսվել են մեծաթիվ կյանքեր։ Նշյալ օրենքի կիրառման արդյունքում առգրավվել են մշակութային բազմաթիվ օբյեկտներ և սեփականություն»,- գրում է Փայլանը։