Civilnet
Իրանը դիմել է Արժույթի միջազգային հիմնադրամ՝ խնդրելով տրամադրել 5 մլրդ դոլարի օգնություն՝ երկրում կորոնավիրուսի տարածումը կանխարգելելու նպատակով։ Ներկայում Իրանում գրանցվել է կորոնավիրուսի ավելի քան 10 հազար դեպք, որոնցից 429՝ մահվան ելքով։
Իրանի արտաքին գործերի նախարար Մոհամմադ Ջավադ Զարիֆը Թվիթերում հաստատել է տեղեկությունը․ «ԱՄՀ-ի Կրիստալինա Գեորգիևան հայտարարել է, որ կորոնավիրուսից տուժած երկրներին ֆինանսական օգնություն կտրամադրվի արագ ֆինանսավորման գործիքի միջոցով։ Մեր Կենտրոնական բանկն անմիջապես խնդրել է մատչում տրամադրել այդ մեխանիզմին»։
IMF's @KGeorgieva has stated that countries affected by #COVID19 will be supported via Rapid Financial Instrument. Our Central Bank requested access to this facility immediately.
— Javad Zarif (@JZarif) March 12, 2020
IMF/IMF Board should adhere to Fund's mandate, stand on right side of history & act responsibly.
Իրանի արտաքին գործերի նախարարը միևնույն ժամանակ դիմել է ՄԱԿ-ի գլխավոր քարտուղար Անտոնիո Գուտերեշին՝ կոչ անելով վերացնել Իրանի դեմ ԱՄՆ-ի սահմանած պատժամիջոցները, որպեսզի երկիրը հնարավորություն ունենա պայքարելու կորոնավիրուսի դեմ։
Նամակում նա նշել է, որ Իրանին դեղամիջոցների, բժշկական սարքավորումների վաճառքի արգելքը բացասաբար է ազդել վարակի դեմ պայքարի վրա։ Իրանական նավթի վաճառքի վրա սահմանված պատժամիջոցները նվազեցրել են կառավարության ունակությունը՝ հոգալու բնակչության հիմնարար կարիքները։
#CivilNet #News
Պատմություններ
