Civilnet
ԱՄՆ պետքարտուղար Մայք Պոմպեոն շնորհավորական ուղերձ է հղել Հայաստանի անկախության 29-րդ տարելիցի կապակցությամբ։
«ԱՄՆ-ը հանձնառու է շարունակելու մեր գործընկերության կառուցումը՝ ամրապնդելով երկու ժողովուրդների միջև կապերը՝ ընդհանուր ժողովրդավարական արժեքների, խաղաղության և բարեկեցության ձգտելու ցանկության վրա հիմնված։
ԱՄՆ-ը ողջունում է Հայաստանի շարունակական նվիրվածությունը՝ ուժեղացնելու օրենքի գերակայությունը, հաստատելու անկախ դատական համակարգ, ընդլայնելու տնտեսական և ներդրումային հնարավորությունները։
Մենք նաև ողջունում ենք Հայաստանի հետևողական ջանքերը կոռուպցիայի դեմ պայքարում՝ թափանցիկության, պատշաճ իրավական գործընթացների, քաղաքացիների առաջ ավելի մեծ հաշվետվողականության միջոցով, և մենք շարունակելու ենք ձեզ աջակցել այս ջանքերում։
Մենք նաև հանձնառու ենք օգնելու գտնել ղարաբաղյան հակամարտության խաղաղ լուծում և հորդորելու կողմերին որքան հնարավոր է շուտ վերականգնել բովանդակային բանակցությունները՝ ԵԱՀԿ Մինսկի խմբի համանախագահների հովանու ներքո։
Չնայած COVID-19-ով պայմանավորված՝ աշխարհն այս տարի առերեսվել է արտասովոր մարտահրավերների՝ մենք հպարտ ենք, որ մեր սերտ համագործակցությունը համավարակի դեմ պայքարում է՛լ ավելի է ուժեղացրել մեր ժողովուրդների միջև գործընկերությունը։
Հայ ժողովրդին մաղթում եմ խաղաղության, ազատության և բարեկեցության տարի»,- ասված է Պոմպեոյի ուղերձում։
Պատմություններ
