Գլխավոր Լրահոս

Կառավարությունը վստահեցնում է՝ Պղնձամոլիբդենայինում բաժնետոմսերի շուրջ վեճում չի աջակցում որևէ կողմի

Կառավարությունը վստահեցնում է՝ Պղնձամոլիբդենայինում բաժնետոմսերի շուրջ վեճում չի աջակցում որևէ կողմի

Զանգեզուրի պղնձամոլիբդենային կոմբինատում (ԶՊՄԿ) բաժնետոմսերի շուրջ ծագած վեճում կառավարությունը մասնակցություն չունի և չի խրախուսում կողմերից որևէ մեկին․ ՍիվիլՆեթի հետ զրույցում այսպիսի մեկնաբանություն արեց վարչապետի աշխատակազմի ղեկավար Արսեն Թորոսյանը։

Ավելի վաղ Սիվիլնեթը գրել էր, որ Ռուսաստանի առողջապահության և սոցիալական զարգացման հարցերի նախկին նախարար Միխայիլ Զուրաբովը, որը տնօրինում է կոմբինատի բաժնետոմսերի 12,4 տոկոսը, դատի է տվել մյուս բաժնետերերին՝ դատարանից պահանջելով անվավեր ճանաչել բաժնետոմսերի առքուվաճառքի մի քանի պայմանագիր։ Զուրաբովը մարտի 16-ին հանդիպել էր նաև Նիկոլ Փաշինյանին։ Այս հանդիպման մասին պաշտոնական տեղեկատվությունը աղքատիկ էր։

Վարչապետի աշխատակազմի ղեկավար Արսեն Թորոսյանի խոսքով՝ «պարոն Զուրաբովի հետ հանդիպումը կրել է որպես ներդրողի հետ հանդիպման բնույթ»։ Թորոսյանն ասում է՝ ԶՊՄԿ-ի բաժնետերերի միջև սկիզբ առած հակասությունների մասին տեղյակ է, բայց այլ գործընթացների մասին տեղեկություն չունի։ 

«Օրենսդրությունը շատ պարզ է Հայաստանում, բաժնետոմսերի սեփականատերերը իրենց սեփականությունը օրենքով սահմանված կարգով կարող են տնօրինել, ու այդ սկզբունքը չի խախտվում»,- ասաց նա։ 

Զուրաբովի կողմից վիճարկվող պայմանագրերից մեկը վերաբերում է ԶՊՄԿ-ի 75 տոկոսի առքուվաճառքին։ Մասնավորապես, գերմանական «Քրոնիմետ մայնինգ»-ից Պղնձամոլիբդենայինը հետ էր գնել 75 տոկոսի հասնող բաժնետոմսերը։ ԶՊՄԿ տնօրենների խորհրդի անդամ Վահե Հակոբյանը «ալոգիկ» էր որակել Զուրաբովի պահանջները։ 

Մկրտիչ Կարապետյան 

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում