Խրամորթում խաղաղ բնակիչ է վիրավորվել

Հակառակորդի կողմից արձակված ականանետի կրակոցից բեկորային վիրավորում է ստացել Արցախի Ասկերանի շրջանի Խրամորթ գյուղի խաղաղ բնակիչը, հայտնում է Արցախի ոստիկանությունը։

«Այսօր, ժամը 10:35-ին ոստիկանության Ասկերանի շրջանային բաժնից հաղորդել են, որ Խրամորթ գյուղի բնակիչ 1971թ. ծնված Սուրեն Բաղդասարյանն իրենց տան բակում գյուղատնտեսական աշխատանքներ կատարելու ժամանակ, հակառակորդի կողմից արձակված ականանետի կրակոցից՝ մեջքի շրջանում բեկորային վիրավորում է ստացել: Ականը պայթել է տան բակում։ Վերջինս շտապ տեղափոխվել է բուժհաստատություն: Նրա կյանքին վտանգ չի սպառնում»,- ասված է հաղորդագրությունում։

https://civilnet.am/news/653142/%d5%a1%d5%b4%d5%a2%d5%b8%d5%b2%d5%bb-%d5%a3%d5%ab%d5%b7%d5%a5%d6%80-%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%a8-%d5%a1%d5%af%d5%a1%d5%b6%d5%a1%d5%b6%d5%a5%d5%bf%d5%a5%d6%80%d5%ab-%d5%af%d5%ab%d6%80%d5%a1%d5%bc%d5%b4%d5%a1%d5%b4%d5%a2-%d5%ad%d5%a1%d5%ad%d5%bf%d5%a5%d5%ac-%d5%a7-%d5%b0%d6%80%d5%a1%d5%a4%d5%a1%d5%a4%d5%a1%d6%80%d5%a8%e2%80%a4-%d5%ba%d5%a2/