Freedom House-ն Ադրբեջանին կոչ է անում վերականգնել Արցախի գազամատակարարումը

Միջազգային իրավապաշտպան Freedom House կազմակերպությունը դատապարտում է Ադրբեջանի կողմից Արցախի գազամատակարարման դադարեցումը։

«Ադրբեջանը պետք է կանխի հումանիտար ճգնաժամը՝ վերականգնելով գազի անխափան մատակարարումը Լեռնային Ղարաբաղի բնակչության համար: Նրանք արդեն շաբաթներ է՝ առանց ջեռուցման ու տաք ջրի տառապում են սառնամանիքին»,- ասվում է կազմակերպության Թվիթերի էջում արված գրառման մեջ։

#Azerbaijan must prevent a humanitarian crisis by restoring unhindered gas supplies to the people of #NagornoKarabakh, who have endured weeks of freezing temps without heat or hot water. https://t.co/FHY2oU29MD

— Freedom House (@freedomhouse) March 23, 2022

Վերջին շաբաթներին Արցախը երկրորդ անգամ է զրկվում գազամատակարարումից։ Մարտի 8-ին մայրուղային բարձր ճնշման գազատարի վնասման պատճառով Արցախի տարածքում դադարեցվել էր գազամատակարարումը։ Գազատարը վնասվել էր այն հատվածում, որը գտնվում է ադրբեջանական զինված ուժերի վերահսկողության տակ։ Մարտի 16–ին ռուս խաղաղապահների միջնորդությամբ բանակցությունների արդյունքում ադրբեջանական կողմն սկսեց գազատարի վերանորոգման աշխատանքները, որոնք ավարտվեցին մարտի 18–ին։ Մարտի 21-ին ադրբեջանական կողմի ուղիղ միջամտության հետևանքով Արցախում կրկին դադարեցվել է գազամատակարարումը։

https://civilnet.am/news/654674/%d5%a5%d5%be%d6%80%d5%a1%d5%b4%d5%ab%d5%b8%d6%82%d5%a9%d5%b5%d5%b8%d6%82%d5%b6%d5%a8-%d5%b4%d5%bf%d5%a1%d5%b0%d5%b8%d5%a3%d5%b8%d6%82%d5%a9%d5%b5%d5%b8%d6%82%d5%b6-%d5%a7-%d5%b0%d5%a1%d5%b5%d5%bf%d5%b6%d5%a5%d5%ac-%d5%a1%d6%80%d6%81%d5%a1%d5%ad-%d5%a3%d5%a1%d5%a6%d5%ab-%d5%a4%d5%a1%d5%a4%d5%a1%d6%80%d5%a5%d6%81%d5%b4%d5%a1%d5%b6-%d5%af%d5%a1%d5%ba%d5%a1%d5%af%d6%81%d5%b8%d6%82%d5%a9%d5%b5%d5%a1%d5%b4%d5%a2/