Էրդողանը Դոլմաբահչե պալատում հանդիպել է Ռուսաստանի և Ուկրաինայի պատվիրակությունների հետ

Թուրքիայի նախագահ Ռեջեփ Թայիփ Էրդողանը Ստամբուլի Դոլմաբահչե պալատում ռուս-ուկրաինական բանակցություններից առաջ հանդիպել է պատվիրակությունների հետ, հայտնում է Hurriyet Daily News-ը։ Էրդողանը հայտարարել է, որ հեռախոսազրույցներ է ունեցել Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի հետ։ Էրդողանն ասել է, որ կողմերը շարժվում են «դրական ուղղությամբ», սակայն մանրամասներ չի ներկայացրել։ Ստամբուլում ռուս-ուկրաինական հանդիպումը չորրորդն է Ուկրաինայում պատերազմի սկզբից ի վեր։

https://civilnet.am/news/655566/%d5%a7%d6%80%d5%a4%d5%b8%d5%b2%d5%a1%d5%b6%d5%a8-%d5%a4%d5%b8%d5%ac%d5%b4%d5%a1%d5%a2%d5%a1%d5%b0%d5%b9%d5%a5-%d5%ba%d5%a1%d5%ac%d5%a1%d5%bf%d5%b8%d6%82%d5%b4-%d5%b0%d5%a1%d5%b6%d5%a4%d5%ab%d5%ba%d5%a5%d5%ac-%d5%a7-%d5%bc%d5%b8%d6%82%d5%bd%d5%a1%d5%bd%d5%bf%d5%a1%d5%b6%d5%ab-%d6%87-%d5%b8%d6%82%d5%af%d6%80%d5%a1%d5%ab%d5%b6%d5%a1%d5%b5%d5%ab-%d5%ba%d5%a1%d5%bf%d5%be%d5%ab%d6%80%d5%a1%d5%af%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d5%ab-%d5%b0%d5%a5%d5%bf/

Բրիտանական Financial Times-ը, վկայակոչելով քննարկումների մասին իրեն տեղեկացրած չորս լավատեղյակ անանուն մարդու, գրել է, որ որպես հրադադարի բանակցությունների մաս՝ Ռուսաստանն Ուկրաինայից այլևս չի պահանջում «դենացիֆիկացիա» և պատրաստ է համաձայնել Ուկրաինայի ԵՄ անդամակցությանը, եթե այն մնա ռազմականապես չեզոք։

Financial Times-ի աղբյուրներն ասել են, որ որպես հնարավոր գործարքի մաս՝ Մոսկվան և Կիևը քննարկում են ռազմական գործողությունների դադարը, որը կենթադրի՝ Ուկրաինան հրաժարվում է ՆԱՏՕ-ին անդամակցելու ձգտումից՝ անվտանգության երաշխիքների և ԵՄ-ին միանալու հեռանկարի դիմաց։ Թերթի զրուցակիները նշել են, որ հարցը դեռ վերջնականացված չէ:

«Հրադադարի փաստաթղթի նախագիծը որևէ քննարկում չի պարունակում Ռուսաստանի սկզբնական երեք հիմնական պահանջների մասին՝ «դենացիֆիկացիա», «ապառազմականացում» և Ուկրաինայում ռուսաց լեզվի իրավական պաշտպանություն»,- ասել են աղբյուրները:

https://civilnet.am/news/655431/%d5%be%d5%a5%d6%80%d5%a1%d5%a4%d5%a1%d6%80%d5%b1%d5%a5%d5%9b%d6%84-%d5%a1%d5%b5%d5%b6%d5%bf%d5%a5%d5%b2-%d5%b8%d6%80%d5%bf%d5%a5%d5%b2%d5%ab%d6%81-%d5%a1%d5%b4%d5%a5%d5%b6-%d5%ab%d5%b6%d5%b9-%d5%bd%d5%af%d5%bd%d5%be%d5%a5%d6%81-%d5%a1%d5%b5%d5%b6%d5%bf%d5%a5%d5%b2-%d5%af%d6%83%d5%b8%d6%80%d5%b1%d5%a5%d5%b6%d6%84-%d5%ac%d5%b8%d6%82%d5%ae%d5%a5%d5%ac-%d5%a4%d5%b8%d5%b6%d5%a2%d5%a1%d5%bd%d5%ab-%d5%b0%d5%a1%d6%80%d6%81%d5%a8%e2%80%a4-%d5%a6%d5%a5%d5%ac%d5%a5%d5%b6%d5%bd%d5%af%d5%ab%d5%b6%d5%9d-%d5%bc%d5%b8%d6%82%d5%bd-%d5%ac%d6%80%d5%a1%d5%a3%d6%80%d5%b8%d5%b2%d5%b6%d5%a5%d6%80%d5%ab%d5%b6/