Կայացել է Հայաստանի և Թուրքիայի ներկայացուցիչների երրորդ հանդիպումը

Մայիսի 3-ին Վիեննայում կայացել է Հայաստանի և Թուրքիայի միջև հարաբերությունների կարգավորման գործընթացի հատուկ ներկայացուցիչներ Ռուբեն Ռուբինյանի և Սերդար Քըլըչի երրորդ հանդիպումը, հայտնում է ՀՀ ԱԳՆ-ն։

«Հատուկ ներկայացուցիչները վերահաստատել են այս գործընթացի միջոցով իրենց երկրների միջև լիարժեք կարգավորման հասնելու նպատակը։ Այս առնչությամբ, նրանք ունեցել են հստակ տեսակետների անկեղծ ու արդյունավետ փոխանակում և քննարկել հնարավոր քայլերը, որոնք կարող են ձեռնարկվել այս ուղղությամբ` շոշափելի առաջընթացի հասնելու համար»,- ասված է հաղորդագրությունում։

Հայաստանի և Թուրքիայի ներկայացուցիչները վերահաստատել են իրենց համաձայնությունը՝ շարունակելու գործընթացն առանց նախապայմանների։

***

Ռուբեն Ռուբինյանը և Սերդար Քըլըչը հանդիպումներ էին անցկացրել նաև հունվարի 14-ին՝ Մոսկվայում և փետրվարի 24-ին՝ Վիեննայում։

Բացի հատուկ ներկայացուցիչների բանակցություններից, մարտի 12-ին Անթալիայում կայացել է Հայաստանի և Թուրքիայի արտգործնախարարներ Արարատ Միրզոյանի և Մևլութ Չավուշօղլուի հանդիպումը։

https://civilnet.am/news/660358/%d5%b0%d5%a1%d5%b5%d5%af%d5%a1%d5%af%d5%a1%d5%b6-%d5%af%d5%b8%d5%b2%d5%b4%d5%a8-%d5%af%d5%bf%d6%80%d5%a1%d5%b6%d5%a1%d5%af%d5%a1%d5%b6%d5%a1%d5%ba%d5%a5%d5%bd-%d5%b4%d5%a5%d6%80%d5%aa%d5%a5%d5%ac-%d5%a7-%d5%a9%d5%b8%d6%82%d6%80%d6%84%d5%ab%d5%a1%d5%b5%d5%ab-%d5%b0%d5%a5%d5%bf-%d5%bd%d5%a1%d5%b0%d5%b4%d5%a1%d5%b6%d5%b6%d5%a5%d6%80%d5%ab-%d5%be%d5%a5%d6%80%d5%a1%d5%b3%d5%b7%d5%a3%d6%80%d5%bf%d5%b4%d5%a1%d5%b6-%d5%b0%d5%a1%d6%80%d6%81%d5%a8%e2%80%a4-%d5%a1%d5%b2%d5%a1%d5%bb%d5%a1%d5%b6%d5%b5%d5%a1%d5%b6/