Անթալիայի դիվանագիտական ֆորումին մասնակցելու հրավեր եմ ստացել, ըստ ամենայնի, կմասնակցեմ․ Միրզոյան

Հայաստանի արտգործնախարար Արարատ Միրզոյանը հայտարարեց, որ Թուրքիայի արտգործնախարարությունից Անթալիայի դիվանագիտական ֆորումին մասնակցելու հրավեր է ստացել։

«Ես կրկին, ինչպես անցած տարի, Թուրքիայի արտգործնախարարությունից հրավեր եմ ստացել մասնակցելու Անթալիայի դիվանագիտական ֆորումին։ Ըստ ամենայնի, կմասնակցեմ այդ ֆորումին, որովհետև ենթադրաբար նաև կլինի հանդիպում և քննարկում։ Կարծում եմ՝ սա շատ կարևոր է երկխոսությունը շարունակելու, զարգացնելու և ավելի առարկայական արդյունքների հանգեցնելու համար»,- հունվարի 18-ին ԱԺ-կառավարաթյուն հարցուպատասխանի ժամանակ ասաց Միրզոյանը։

Նախորդ տարի Անթալիայի դիվանագիտական ֆորումը տեղի ունեցավ մարտի 11-13-ը։ Մարտի 12-ին ֆորումի շրջանակում կայացավ Հայաստանի ու Թուրքիայի արտաքին գործերի նախարարներ Արարատ Միրզոյանի ու Մևլութ Չավուշօղլուի հանդիպումը։

https://civilnet.am/news/688208/%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%a8-%d5%b7%d5%a1%d6%80%d5%b8%d6%82%d5%b6%d5%a1%d5%af%d5%a5%d5%ac%d5%b8%d6%82-%d5%a7-%d5%a2%d5%a1%d5%b6%d5%a1%d5%af%d6%81%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d5%a8-%d5%a9%d5%b8%d6%82%d6%80%d6%84%d5%ab%d5%a1%d5%b5%d5%ab-%d5%b0%d5%a5%d5%bf%d5%9d-%d5%b0%d5%a1%d6%80%d5%a1%d5%a2%d5%a5%d6%80%d5%b8%d6%82%d5%a9%d5%b5%d5%b8%d6%82%d5%b6%d5%b6%d5%a5%d6%80%d5%b6-%d5%a1%d5%b4%d5%a2%d5%b8%d5%b2%d5%bb%d5%a1%d5%af%d5%a1%d5%b6-%d5%af%d5%a1%d6%80%d5%a3%d5%a1%d5%be%d5%b8%d6%80%d5%a5%d5%ac%d5%b8%d6%82-%d5%b6%d5%ba%d5%a1%d5%bf%d5%a1%d5%af%d5%b8%d5%be/