Տեղի հատվածում վիրավորված զինծառայողին վիրահատում են, վիճակը կայուն ծանր է․ ԱԱԾ

Հայաստանի ազգային անվտանգության ծառայությունը հայտնում է, որ Տեղի հատվածում Ադրբեջանի կրակի հետևանքով վիրավորում ստացած զինծառայողին այս պահին վիրահատում են, վիճակը գնահատվում է կայուն ծանր։

ԱԱԾ-ն հրապարակել է նաև վիրավորում ստացած սահմանապահ ծառայության զինծառայողի անունը՝ Արթուր Արմենի Ազրոյան (2002թ.)։

***

Ավելի վաղ պաշտպանության նախարարությունը հայտնել էր, որ հունիսի 15-ին՝ ժամը 11:45-ին, ադրբեջանական ստորաբաժանումները կրակ են բացել Տեղի հատվածում տեղակայված հայկական դիրքերի ուղղությամբ՝ կիրառելով նաև ականանետ։ Ադրբեջանի կրակի հետևանքով վիրավորում է ստացել ԱԱԾ սահմանապահ ծառայության զինծառայող։

Հունիսի 15-ին՝ ժամը 15:10-ին, Ադրբեջանի ԶՈւ-ն Կապանի հատվածում տեղակայված հայկական դիրքի ուղղությամբ կիրառել է ԱԹՍ։

Այսօր՝ հունիսի 15-ին, Ադրբեջանի սահմանապահները նաև առաջխաղացման փորձ են կատարել Հակարիի կամրջի ուղղությամբ՝ ՀՀ տարածքում դրոշ տեղադրելու նպատակով: Հայկական կողմի ձեռնարկած միջոցների արդյունքում փորձը կանխվել է: