Civilnet
Պակիստանը հարվածել է Իրանի ուղղությամբ, որի հետևանքով մահացել է 7 մարդ, հայտարարում են իրանական լրատվամիջոցները։
Պակիստանը հարվածել է Իրանի հետ սահմանամերձ Սիսթան և Բելուջիսթան նահանգի Սերավանի շրջանի ուղղությամբ, որի հետևանքով մահացել է երեք կին և չորս երեխա։ Ըստ իրանական աղբյուրների՝ զոհվածները իրանցի չեն եղել։
Իրանի զինված ուժերը հունվարի 16-ին օդային հարվածներ էին հասցրել Պակիստանի Բելուջիսթան նահանգում տեղակայաված «Ջեյշ-ալ Ադլ» խմբավորմանը, որն Իրանում համարվում է ահաբեկչական։ Խմբավորումը աջակցելով Իրանի Բելուջիսթան նահանգում ապրող սունի բելուջներին, փորձում է նրանց օգտագործել Իրանի դեմ, որի հետևանքով ժամանակ առ ժամանակ երկու երկրների սահմանամերձ գոտիներում առաջանում է լարվածություն։
Իրանական ավիահարվածից հետո Պակիստանը հետ էր կանչել Թեհրանում իր դեսպանին։
Իրանի ու Պակիստանի միջև զարգացումներին փորձել է միջամտել Չինաստանը։ Պակիստանի Կարաչի քաղաքում Չինաստանի հյուպատոս Յանգ Յունդոնգը հանդես է եկել երկու երկրների միջև կառուցողական դեր խաղալու առաջարկությամբ։
Պատմություններ
