Civilnet
Թուրքիայի արտգործնախարարությունը ողջունել է Պաղեստինի պետությունը ճանաչելու Հայաստանի որոշումը, այդ մասին ասված է հունիսի 21-ի Թուրքիայի ԱԳՆ տարածած հաղորդագրությունում։
«Ինչպես նախկինում քանիցս նշել ենք, Պաղեստինի ճանաչումը միջազգային իրավունքի, արդարության և խղճի անհրաժեշտություն է», - նշված է հայտարարության մեջ։
Անկարան նկատում է, որ Հայաստանի ճանաչումը հետևել է Իսպանիայի, Իռլանդիայի, Նորվեգիայի և Սլովենիայի համանման որոշումներին և շեշտել, որ «թուրքական կողմը շարունակելու է Պաղեստինի ճանաչման ուղղությամբ ջանքերի գործադրումը»։
Հիշեցնենք, որ Հայաստանի ԱԳՆ-ն այսօր՝ հունիսի 21-ին, հայտարարել է, որ Երևանը ճանաչում է Պաղեստինի պետությունը՝ «վերահաստատելով իր հավատարմությունը միջազգային իրավունքին և ժողովուրդների հավասարության, ինքնիշխանության ու խաղաղ համակեցության սկզբունքներին»:
Պատմություններ
