Սեպտեմբերի 1-ին Ադրբեջանում խորհրդարանի արտահերթ ընտրություններ կանցկացվեն

Ադրբեջանի նախագահ Իլհամ Ալիևը կարգադրություն է ստորագրել Միլի մեջլիսի լուծարման և արտահերթ ընտրություններ նշանակելու մասին:

Ադրբեջանի խորհրդարանի արտահերթ ընտրությունները տեղի կունենան սեպտեմբերի 1-ին:

Ինքնալուծարման և նոր ընտրություններ անցկացնելու դիմումով Ադրբեջանի նախագահին էր դիմել իշխող «Յենի Ազերբայջան» կուսակցությունը՝ առաջարկելով նոյեմբերին նախատեսված Միլլի մեջլիսի ընտրություններն ավելի շուտ անցկացնել։ Կուսակցությունն արտահերթ ընտրությունների գնալու անհրաժեշտությունը պայմանավորել է նոյեմբերին երկրում ՄԱԿ-ի կլիմայական գագաթնաժողովի անցկացմամբ։ Նշվում է, որ նախատեսված քվեարկության օրը կհամընկներ միջոցառման անցկացման հետ։

https://civilnet.am/news/767322/%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%a8%d5%9d-%d5%af%d5%ac%d5%ab%d5%b4%d5%a1%d5%b5%d5%ab-%d6%83%d5%b8%d6%83%d5%b8%d5%ad%d5%b8%d6%82%d5%a9%d5%b5%d5%a1%d5%b6-%d5%af%d5%b8%d5%b6%d6%86%d5%a5%d6%80%d5%a1%d5%b6%d5%bd%d5%ab-%d5%b0%d5%b5%d5%b8%d6%82%d6%80%d5%a8%d5%b6%d5%af%d5%a1%d5%ac%e2%80%a4-%d5%ab%d5%9e%d5%b6%d5%b9-%d5%a7-%d6%83%d5%b8%d6%80%d5%b1%d5%b8%d6%82%d5%b4-%d5%bd%d5%bf%d5%a1%d5%b6%d5%a1%d5%ac-%d5%a2%d5%a1%d6%84%d5%b8%d6%82%d5%b6/