Արթուր Ալեքսանյանն ու Մալխաս Ամոյանը դուրս եկան Օլիմպիական խաղերի կիսաեզրափակիչ

Հունահռոմեական ոճի ըմբիշներ Արթուր Ալեքսանյանն ու Մալխաս Ամոյանը դուրս եկան ամառային Օլիմպիական խաղերի կիսաեզրափակիչ փուլ։

97 կգ քաշային կարգի մեկնարկային գոտեմարտում Արթուր Ալեքսանյանը 9-0 հաշվով հաղթեց Հարավային Կորեայի ներկայացուցիչ Սեունջուն Կիմին։ Մեկ ժամ անց կայացած քառորդ եզրափակչում էլ վերջին վայրկյաններին կարողացավ 9-5 հաշվով հաղթել Ուզբեկստանը ներակայացնող Ռուստամ Ասալակովին։

77 կգ քաշային կարգում  կայացած մեկնարկային գոտեմարտում Մալխաս Ամոյանը  8-0 հաշվով հաղթեց Ֆինլանդիան ներկայացնող Ջոնի Սարկինենին։ Քառորդ եզրափակչում էլ 3-0 հաշվով հաղթեց իրանցի Ամին Կամիյանինեջադին։

Այսօր կկայանան նաև կիսաեզրափակիչները։ Երևանի ժամանակով 20:15-ին Մալխաս Ամոյանը կմրցի Ճապոնիան ներկայացնող Նաո Կուսակայի հետ, Արթուր Ալեքսանյանն էլ 20:29-ին կմրցի Կուբան ներկայացնող Գաբրիել Ռոսիլյոյի հետ։