Civilnet
Շիխիի կալանավորման մասին տեղեկություններ հայտնվել են ուրբաթ երեկոյան շատ չանցած այն բանից, երբ Սաբաիլի շրջանային դատարանը Բահրուզ Սամադովին, OC Media-ի մեկ այլ հեղինակի և հետազոտողի, առաջադրեց դավաճանության մեղադրանք:
Շիխին, ինչպես Սամադովը, Ադրբեջանում ժողովրդավարության և մարդու իրավունքների, ինչպես նաև Հայաստանի հետ խաղաղության կողմնակից էր:
Ակտիվիստ Ռուստամ Իսմայիլբեյլին սոցցանցերում գրառում է արել, որ Շիխին հաղորդագրություն է ուղարկել՝ նշելով, որ իրեն օդանավակայանում են պահում: Իսմայիլբեյլին OC Media-ին ասել է, որ Շիխին ձերբակալության պահին մեկնել է Թբիլիսի: Նա հավելել է, որ Շիխին ավելի վաղ իրեն ասել էր, թե սպասում էր, որ իրեն կկալանավորեն։
Շիխիի կալանավորման մասին պաշտոնական մեկնաբանություններ չկան:
Շիխին ավելի վաղ OC Media-ի համար գրել էր Ադրբեջանում շիա մահմեդականների նկատմամբ հալածանքների մասին՝ Իրանի հետ հարաբերությունների վատթարացման ֆոնին:
Դեռ պարզ չէ, թե ինչ մեղադրանք կարող է առաջադրվել Շիխիին։
Սամադովը ադրբեջանցի երկրորդ հետազոտողն է, որին մեկ ամսից էլ պակաս ժամանակում դավաճանության մեղադրանք են առաջադրում։ Ավելի վաղ ադրբեջանական իշխանությունները դավաճանության մեղադրանքով ձերբակալել էին էթնիկ թալիշ հետազոտող Իգբալ Ալիևին, որը «Skype-ով հայ ակադեմիականների հետ գաղտնի բանակցություններ և գործարքներ է արել»:
Պատմություններ
