Շոյգուն կրկին Թեհրանում է՝ փոխանցելու Պուտինի ուղերձը
Civilnet
Ռուսաստանի անվտանգության խորհրդի քարտուղար Սերգեյ Շոյգուն սեպտեմբերի 17-ին մեկնել է Թեհրան՝ քննարկելու երկկողմ հարաբերությունները, այդ մասին հաղորդում են իրանական լրատվամիջոցները։
Շոյգուն, որը մեկ շաբաթ առաջ էր Սանկտ-Պետերբուրգում հանդիպել իրանցի պաշտոնակից Ալի Աքբար Ահմադիանին, Թեհրան կատարած այցի ընթացքում բացի վերջինից հանդիպել է նաև Իրանի նախագահ Մասուդ Փեզեշքիանին։
Ըստ իրանական կողմի՝ Շոյգուն Թեհրան է ժամանել Ռուսաստանի նախագահ Վլադիմիր Պուտինի հանձնարարությամբ՝ քննարկելու օրերս Սանկտ-Պետերբուրգում ձեռք բերված համաձայնությունների իրականացումը։
Ռուսաստանցի պաշտոնյան վերահաստատել է Իրանի քաղաքականությունը միջանցքների և Ադրբեջանի հետ հաղորդակցության հարցերում։
Ըստ Mehr-ի՝ Շոյգուն Իրանի նախագահի հետ հանդիպմանը փոխանցել է Ռուսաստանի նախագահի ուղերձը։
Վերջին հանդիպումները տեղի են ունենում աշխարհաքաղաքական այն ֆոնին, երբ Իրանն իր անհամաձայնությունն է հայտնում Մոսկվային՝ կապված Ադրբեջանը Նախիջևանին կապող ուղու հետ։
Տեղադրություն
Պատմություններ
