Հայոց ցեղասպանության ճանաչման հարցն ԱԳՆ թիվ մեկ առաջնահերթությունը չէ․ Միրզոյան

Հայոց ցեղասպանության միջազգային ճանաչման հարցը Հայաստանի արտաքին գործերի նախարարության թիվ մեկ առաջնահերթությունը չէ։ Այդ մասին հոկտեմբերի 31-ին խորհրդարանում 2025-ի բյուջեի քննարկման ժամանակ հայտարարել է արտգործնախարար Արարատ Միրզոյանը։

«Պատմության ողբերգական անցքերը, Հայոց ցեղասպանությունն ուսումնասիրելը կամ դա թիվ մեկ առաջնահերթություն դարձնելն անշուշտ արտաքին գործերի նախարարության օրակարգ չէ»,- ասել է նա։

Միրզոյանի խոսքով՝ ԱԳՆ թիվ մեկ առաջնահերթությունը Հայաստանի շուրջ խաղաղության և կայունության ապահովումն է․ «Սրա շրջանակում թիվ մեկ քայլը, որի ուղղությամբ մեր ջանքերը գործադրում ենք, դա Ադրբեջանի հետ հարաբերությունների կարգավորման գործընթացն է»։

https://civilnet.am/news/803697/%d5%b4%d5%ab%d6%80%d5%a6%d5%b8%d5%b5%d5%a1%d5%b6%d5%a8-%d5%ac%d5%a1%d5%be%d5%a1%d5%bf%d5%a5%d5%bd-%d5%a7-%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%ab-%d5%b0%d5%a5%d5%bf-%d6%87%d5%bd-%d5%b4%d5%a5%d5%af-%d5%a5%d6%80%d5%af%d5%b8%d6%82-%d5%b1%d6%87%d5%a1%d5%af%d5%a5%d6%80%d5%ba%d5%b8%d6%82%d5%b4-%d5%b0%d5%a1%d5%b4%d5%a1%d5%b1%d5%a1%d5%b5%d5%b6%d5%a5%d6%81%d5%b6%d5%a5%d5%ac%d5%b8%d6%82-%d5%b0%d5%a1%d6%80%d6%81%d5%b8%d6%82%d5%b4/