Civilnet
Միացյալ Նահանգների պետքարտուղար Էնթոնի Բլինքենը պաշտոնական այցով Անկարայում է՝ քննարկելու տարածաշրջանային հարցեր, այդ թվում՝ իրավիճակը Սիրիայում։
Անկարայի օդանավակայանում ԱՄՆ պետքարտուղարին դիմավորել է Թուրքիայի նախագահ Ռեջեփ Թայիփ Էրդողանը։
Թուրքական լրատվամիջոցները գրել էին, որ Բլինքենը երկօրյա այցով գտնվելու է Թուրքիայում և իր գործընկեր Հաքան Ֆիդանի հետ մանրամասն քննարկելու է տարածաշրջանային հարցերը։ Բլինքենն ու Ֆիդանը սերտ շփումներ են ունեցել Սիրիայում ընթացող թեժ զարգացումների ժամանակ՝ դեկտեմբերի 6-ին և 9-ին, որոնց ընթացքում թուրքական կողմը հայտարարել է «Սիրիայում ահաբեկչական խմբավորումների դեմ Թուրքիայի անհանդուրժողականության» մասին։
Նախօրեին՝ դեկտեմբերի 12-ի երեկոյան, մի շարք լրատվամիջոցներ հայտնեցին, որ Թուրքիայի հետախուզության ղեկավարն ու արտգործնախարարը մեկնել են Դամասկոս՝ հանդիպելու սիրիական նոր իշխանությունների հետ։
Պատմություններ
