Դատախազությունը պահանջում է գլխավոր շտաբի նախկին պետից բռնագանձել վեց անշարժ գույք

Գլխավոր դատախազությունը պահանջում է ՀՀ զինված ուժերի գլխավոր շտաբի նախկին պետ Արտակ Դավթյանից և նրան փոխկապակցված անձանցից բռնագանձել վեց անշարժ գույք, դրամական միջոցներ։

«Հակակոռուպցիոն դատարանը 2024-ի դեկտեմբերի 6-ին վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը: Դատախազությունը պահանջ է ներկայացրել դատարանին՝ ՀՀ զինված ուժերի գլխավոր շտաբի նախկին պետ Արտակ Դավթյանից և նրան փոխկապակցված անձանցից բռնագանձել 97,3 մլն դրամ և վեց անշարժ գույք, որոնց շուկայական արժեքը կազմում է ավելի քան 545,6 մլն դրամ»,- ասված է հաղորդագրությունում։

Արտակ Դավթյանը գլխավոր շտաբի պետի պաշտոնը զբաղեցրել է 2018-2020 և 2021-2022 թվականներին։ Նա մասնակցել է Արցախյան առաջին պատերազմին։ 1998-ից զինված ուժերում զբաղեցրել է տարբեր պաշտոններ։