Քաղաքացին զոհված զինծառայողների ծնողից հափշտակել է 4,8 մլն դրամ՝ շիրմաքարեր պատրաստելու պատրվակով
Civilnet
Քննչական կոմիտեն հաղորդում է, որ քաղաքացին զոհված զինծառայողների ծնողից հափշտակել է խոշոր չափերի գումար՝ շիրմաքարեր պատրաստելու պատրվակով։
«Դեկտեմբերի 7-ին Քննչական կոմիտեի Շենգավիթի բաժնում նախաձեռնված քրեական վարույթով տվյալներ են ձեռք բերվել, որ Ա.Ն.-ն զոհված զինծառայող եղբայրների գերեզմանների շիրմաքարերը պատրաստելու պատրվակով՝ խոշոր չափերի՝ շուրջ 4,8 մլն դրամ է հափշտակել վերջիններիս ծնողից, իսկ հետագայում տարբեր պատրվակներով հրաժարվել է վերադարձնել գումարը»,- ասված է հաղորդագրությունում։
Քաղաքացու նկատմամբ հարուցվել է հանրային քրեական հետապնդում՝ խոշոր չափերով խարդախության հոդվածով. «Նախաքննությունը շարունակվում է, ձեռնարկվում են անհրաժեշտ գործողություններ՝ դեպքի հանգամանքներն ամբողջությամբ բացահայտելու, Ա.Ն.-ի կողմից այլ հանցավոր դրսևորումներ կատարված լինելու հնարավոր վարկածը ստուգելու ուղղությամբ»։
Պատմություններ
