ԱԱԾ-ն ապօրինի միգրացիայի կազմակերպման դեպք է բացահայտել
Civilnet
3 300 եվրոյի դիմաց ՀՀ-ից դեպի Եվրոպա ապօրինի միգրացիայի կազմակերպման դեպք է բացահայտվել։ Այս մասին հայտնում են Ազգային անվտանգության ծառայությունից։
«3 300 եվրո գումարի դիմաց, օտարերկրյա պետություն մուտքի և օտարերկրյա պետությունում գտնվելու պատշաճ թույլտվություն ստանալու համար կեղծ փաստաթուղթ և կեղծ տեղեկություն ներկայացնելով, կազմակերպել են Տավուշի մարզի բնակչուհի Ս.Թ-ի անօրինական միգրացիան», - ասված է ԱԱԾ հայտարարության մեջ:
Ծառայությունից նշում են, որ ապօրինի միգրացիա կազմակերպած տուրիստական գործակալության սեփականատիրոջ նկատմամբ կիրառվել է տնային կալանք, աշխատակիցը կալանավորվել է։
Հայտարարության մեջ նշվում է նաև, որ քրեական վարույթով կալանավորված անձանց բնակարաններում և աշխատավայրում իրականացված խուզարկությունների արդյունքում հայտնաբերվել և վերցվել են ծննդյան վկայականների, անձնագրերի, բանկային փոխանցումների վերաբերյալ քաղվածքների պատճեններ, համակարգիչներ, էլեկտրոնային կրիչներ, կնիքներ, տարբեր անձանցից գումարներ ստանալու վերաբերյալ գրառումներ պարունակող նոթատետր և այլն:
Պատմություններ
