Վերաքննիչ դատարանը մերժել է Տիգրան Ավինյանի հայցադիմումը

Վերաքննիչ դատարանը որոշում է կայացրել չդիտարկել Երևանի քաղաքապետ Տիգրան Ավինյանի վերաբերյալ հրապարակումը որպես զրպարտություն։

Այս մասին հայտնում է փաստաբան Սոս Հակոբյանը, որը ներկայացնում է «Փաստինֆո» լրատվական կայքի շահերը։

«Փաստինֆո»-ն հետաքննական հոդված է հրապարակել, որտեղ եզրակացրել է, որ   Տիգրան Ավինյանի պաշտոնավարումը քաղաքապետի տեղակալի և ԱՆԻՖ-ի տնօրենների խորհրդի նախագահի պաշտոնում ապօրինի է:

«Վերաքննիչ դատարանը նշել է, որ «հանրային իշխանությունների գործունեության կոշտ քննադատությունը ոչ միայն թույլատրելի է, այլ նաև անհրաժեշտ է ժողովրդավարական հասարակությունում»»,- գրել է փաստաբանը։