Բաքվի դատավարությունն անձնական վրեժ է ամբողջ հայ ժողովրդի նկատմամբ․ հայտարարություն

Բաքվի դատավարությունն անձնական վրեժ է ամբողջ հայ ժողովրդի նկատմամբ։ «Լազարևյան ակումբը» դատապարտել է հայ ռազմաքաղաքական ղեկավարության դեմ Բաքվում ընթացող շինծու դատական գործընթացը։

ԱՊՀ երկրների ինստիտուտը և Միջազգային «Լազարևյան ակումբը»՝  «Բաքվի դատարանը. ինչի կհանգեցնի վրեժխնդրության ցանկությունը» խորագրով կլոր սեղան է կազմակերպել, որի մասնակիցները դատապարտել են Բաքվի իշխանությունների գործողությունները՝ նշելով, որ դատավարությունն ունի բացառապես քաղաքական բնույթ, հանդիսանում է անձնական վրեժ ամբողջ հայ ժողովրդի նկատմամբ և ուղեկցվում է հայկական մշակույթն ու պատմությունն արհամարհելով։

Մասնակիցները կոչ են արել ուժեղացնել միջազգային ճնշումն Ադրբեջանի վրա, գործադրել ԵԱՀԿ Մինսկի խմբի անդամ երկրների (Ռուսաստան, ԱՄՆ, Ֆրանսիա) ջանքերը, դիտարկել տեղի ունեցողը որպես հնարավոր ցեղասպանություն։

Կլոր սեղանի մասնակիցները որոշել են շարունակել աշխատանքը գործի հրապարակայնացման ուղղությամբ, միավորել հասարակական կազմակերպությունների և սփյուռքի ջանքերը, պահանջել արդարություն և պաշտպանել հայ քաղաքական բանտարկյալների իրավունքները։

2023-ի սեպտեմբերին Արցախի դեմ իննամսյա շրջափակումից և երկրամասի ամբողջ հայ բնակչության էթնիկ զտումից հետո Ադրբեջանը գերեվարել է Արցախի նախկին նախագահներ Արկադի Ղուկասյանին, Բակո Սահակյանին, Արայիկ Հարությունյանին, Արցախի նախկին պետնախարար Ռուբեն Վարդանյանին, նախկին արտգործնխարար Դավիթ Բաբայանին, ՊԲ նախկին հրամանատար Լևոն Մնացականյանին և ՊԲ հրամանատարի տեղակալ Դավիթ Մանուկյանին։ Նրանց ներկայացված են բազմապիսի կեղծ մեղադրանքներ, որոնք նախատեսում են ընդհուպ մինչև ցմահ ազատազրկում։ Ռազմական դատարանի առջև նրանցից բացի կանգնած է ևս ութ հոգի։

Ադրբեջանը շինծու մեղադրանքներով դատական գործընթաց է սկսել Արցախի ռազմաքաղաքական ղեկավարության դեմ։ Մեղադրանքները պառնում են մինչև ցմահ ազատազրկում։