Մարդու իրավունքների պաշտպանն ու ԿԽՄԿ պատվիրակության ղեկավարը քննարկել են գերիների հարցը

ՀՀ Մարդու իրավունքների պաշտպանն ու Հայաստանում Կարմիր խաչի միջազգային կոմիտեի պատվիրակության ղեկավարը քննարկել են  գերիների, անհայտ կորած անձանց և նրանց ընտանիքների իրավունքների հետ կապված հարցեր: Այս մասին հայտնում են ՄԻՊ գրասենյակից։

Հաղորդագրության մեջ ասվում է, որ Մարդու իրավունքների պաշտպան Անահիտ Մանասյանը մարտի 7-ին այցելել է Հայաստանում Կարմիր խաչի միջազգային կոմիտեի պատվիրակության գրասենյակ և հանդիպել պատվիրակության ղեկավար Դաֆնե Մարեի հետ:

Անահիտ Մանասյանը բարձր է գնահատել Հայաստանում ԿԽՄԿ-ի հետ Մարդու իրավունքների պաշտպանի հաստատության համագործակցության մակարդակը և ընդգծել կազմակերպության իրականացրած աշխատանքների կարևորությունը:

Անդրադարձ է կատարվել միջազգային մարդասիրական իրավունքի ոլորտում համատեղ իրականացվող ծրագրերին:

Պաշտպանը վերահաստատել  է իր հանձնառությունը համագործակցությունը շարունակելու հարցում։