Համայնքային գույքի օտարման գործընթացում ձևականություններ կան. Աննա Վարդապետյան
Civilnet
Համայնքային գույքերի աճուրդների անցկացման կարգը պետք է փոխել, կարծում է գլխավոր դատախազ Աննա Վարդապետյանը։ Այդ մասին նա հայտարարեց մարտի 13-ին կառավարության նիստին՝ անդրադառնալով համայնքային գույքերի վաճառքի հարցերին։
«Անհրաժեշտ է աճուրդների անցկացման կարգի փոփոխություն իրականացնել՝ ապահովելով հանրայնությունը, քանի որ ներկայում մի քանի հարթակում ձևական հայտարարություն են իրականացնում՝ գործընթացը համարելով հրապարակային։ Այս հարցում խնդիր ունենք, և սա համայնքների պարտականությունն է, ոչ թե կառավարության»,- ասաց Աննա Վարդապետյանը։
Գլխավոր դատախազի խոսքով՝ աճուրդը պետք է անպայման իրականացվի շուկայական գնով։ Նա նաև առաջարկեց որոշակի կատեգորիայի հողեր թողնել անօտարելի։
«Այսօր ունենք իրավիճակներ, երբ փաստացի արոտավայրի տարածքում այգի է կառուցված։ Այդ հողերը շարունակում են հաշվառվել որպես արոտավայր, ինչը նշանակում է, որ դրանց համար վճարվում են չնչին վարձավճարներ»,- ամփոփեց Աննա Վարդապետյանը։
Գևորգ Թոսունյան
Թեմա
Պատմություններ
