Փաշինյանը Իրանի և Ֆրանսիայի նախագահներին տեղեկացրել է Ադրբեջանի հետ բանակցությունների ավարտի մասին

Վարչապետ Նիկոլ Փաշինյանը Իրանի և Ֆրանսիայի նախագահներին տեղեկացրել է Հայաստանի և Ադրբեջանի միջև խաղաղության համաձայնագրի տեքստի համաձայնեցման շուրջ բանակցությունների ավարտի մասին։

Ըստ վարչապետի գրասենյակի տարածած հաղորդագրությունների՝ Փաշինյանը նախագահներին տեղեկացրել է «Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի» նախագծի տեքստի համաձայնեցման և նախագծի տեքստի համաձայնեցման շուրջ բանակցությունների ավարտի մասին։

Փեզեշքիանի հետ քննարկվել են նաև տարածաշրջանային և Հայաստան–Իրան երկկողմ հարաբերություններին վերաբերող այլ հարցեր, իսկ Մակրոնի հետ՝ Հայաստան–Ֆրանսիա, Հայաստան–ԵՄ հարաբերություններին, ինչպես նաև հարավկովկասյան տարածաշրջանին վերաբերող այլ հարցեր։