Civilnet
Ադրբեջանի արտգործնախարարությունը հայտարարություն է տարածել՝ կրկին պահանջելով Հայաստանի սահմանադրության փոփոխություն, իսկ այդ երկրի ՊՆ-ն շարունակում է հաղորդել զինադադարի խախտումների մասին։
«Ադրբեջանը վճռականորեն և անզիջում պահանջում է դադարեցնել Հայաստանի շարունակական տարածքային պահանջներն Ադրբեջանի դեմ []: Հայաստանի մի շարք օրենսդրական ակտերում, մասնավորապես՝ Սահմանադրության մեջ, Ադրբեջանի դեմ տարածքային պահանջները մնում են «տարածաշրջանի կայուն ապագայի հիմնական խոչընդոտը»»,- ասված է Ադրբեջանի ԱԳՆ հայտարարությունում։
Ադրբեջանի ԱԳՆ-ն հայտարարությունում նաև նշվում է, թե հետկոնֆլիկտային շրջանում «պատմական հնարավորություններ են ի հայտ եկել տարածաշրջանի պատմության արյունոտ էջերի վերջնական շրջադարձի և կայուն խաղաղության հաստատման համար»։
Ադրբեջանի ԱԳՆ հայտարարությունը զուգակցում է այդ երկրի պաշտպանության նախարարության՝ գրեթե ամենօրյա ռեժիմով իբր Հայաստանի կողմից զինադադարի խախտումների մասին հայտարարություններին, որոնք հայկական կողմը պարբերաբար հերքում է։
Հրադադարի խախտման վերաբերյալ Ադրբեջանը միայն մարտին 17 հաղորդագրություն է տարածել, որոնք ՀՀ ՊՆ-ն հերքել է, այդ թվում՝ այսօր՝ մարտի 31-ին տարածվածը։
Ադրբեջանը հայկական կողմից իրբ իր ուղղությամբ սահմանային կրակոցների մասին սկսեց հայտարարել, երբ մարտի 13-ին Հայաստանն ու Ադրբեջանը հայտարարեցին խաղաղության համաձայնագրի տեքստը համաձայնեցնելու մասին։
Պատմություններ
