Civilnet
Economist Intelligence Unit-ի (EIU) կանխատեսումներով՝ 2013թ. աշխարհում ամենամեծ տնտեսական աճ կարձանագրվի Մոնղոլիայում՝ 18,1%: Մոտավորապես Հայաստանի չափ բնակչություն ունեցող (2,8 միլիոն), սակայն Հայաստանից տարածքով ավելի քան 50 անգամ մեծ Մոնղոլիան այս տարի տնտեսական նման աճ կապահովի հիմնականում պղնձի և ոսկու արդյունահմանման շնորհիվ:
Համախառն ներքին արդյունքի տպավորիչ աճ արձանագրող մյուս երկրներն են լինելու Մակաուն՝ 13.5%, Լիբիան՝ 12,2%, Չինաստանը՝ 8,6%, Բութանը՝ 8,5%, Արևելյան Թիմորը՝ 8,3%, Իրաքն ու Մոզամբիկը՝ 8,2-ական տոկոս, Ռուանդան՝ 7,8% և Գանան՝ 7,6%:
EIU-ի համաձայն՝ 2013թ. ըստ գոտիների ամենամեծ տնտեսական աճ կգրանցվի Ավստրալիայում և Ասիայում (բացառությամբ Ճապոնիայի)՝ 6,4 տոկոս: Կենտրոնական և Հարավային Աֆրիկայում տնտեսական աճը կկազմի 4,8%, Լատինական Ամերիկայում՝ 3,9%, Մերձավոր Արևելքում և Աֆրիկայի հյուսիսում՝ 3,8%, Արևելյան Եվրոպայում և Ռուսաստանում՝ 2,9%, Հյուսիսային Ամերիկայում՝ 2,2%, Ճապոնիայում՝ 1,2% և Արևմտյան Եվրոպայում՝ 0,3%:
EIU-ն Հայաստանի մասով առանձին կանխատեսում չի ներկայացրել:
Արժույթի միջազգային հիմնադրամը 2013թ. Հայաստանում 4-4,5% աճ է կանխատեսել:
Թաթուլ Հակոբյան
Պատմություններ
