Civilnet
Ռուսաստանի արտգործնախարար Սերգեյ Լավրովն առաջիկայում կայցելի Հայաստան: Այս մասին ՍիվիլՆեթին հայտնեց ԱԳՆ մամուլի խոսնակ Անի Բադալյանը։
«Այցը ծրագրվում է։ Այցի հստակ ժամկետների մասին տեղեկություն այս պահին չենք կարող հայտնել հրապարակման համար»,- ասաց Բադալյանը։
Սերգեյ Լավրովը վերջին անգամ Հայաստան է այցելել 2022-ի հունիսին։
ՀՀ-ի և ՌԴ-ի միջև դիվանագիտական հարաբերությունների հաստատման 33-ամյակի կապակցությամբ՝ ՌԴ ԱԳ նախարար Սերգեյ Լավրովին ուղղված շնորհավորական ուղերձում Հայաստանի ԱԳ նախարար Արարատ Միրզոյանը նշել էր, որ Հայաստանը պատրաստ է Ռուսաստանի հետ շարունակել ու ընդլայնել երկու երկրների շահերին ամբողջությամբ համապատասխանող երկխոսությունը։
ՌԴ արտգործնախարարն իր հերթին նշել էր, որ Ռուսաստանը պատրաստ է շարունակել համատեղ աշխատանքը՝ ավելի խորացնելու և բարելավելու գործընկերության արդյունավետությունը՝ ի շահ երկու երկրների քաղաքացիների՝ ի շահ Հարավային Կովկասում խաղաղության և անվտանգության ամրապնդման։
Առաջիկայում նախատեսված է նաև ՌԴ Դաշնության խորհրդի նախագահ Վալենտինա Մատվիենկոյի պաշտոնական այցը Հայաստան։
Մայիսի 9-ին էլ Հայաստանի վարչապետ Նիկոլ Փաշինյանն է մեկնելու Մոսկվա՝ մասնակցելու Հայրենական մեծ պատերազմում հաղթանակի 80-ամյակի տոնակատարությանը։
Պատմություններ
