«Ինչո՞ւ պետք է նա գնա, եթե ես չեմ գնալու»․ Թրամփը՝ Ստամբուլում Պուտինի բացակայության մասին
Civilnet
«Ինչո՞ւ պետք է նա գնա, եթե ես չեմ գնալու», - ասել է ԱՄՆ նախագահ Դոնալդ Թրամփը՝ անդրադառնալով Ստամբուլի բանակցություններին ՌԴ նախագահ Վլադիմիր Պուտինի բացակայությանը։
Ավելի վաղ Թրամփը հայտարարել էր, որ բաց է մասնակցելու Ռուսաստանի և Ուկրաինայի միջև հինգշաբթի Թուրքիայում կայանալիք հնարավոր խաղաղության բանակցություններին։
Մայիսի 15-ին Թուրքիայում ուղիղ բանակցություններ անցկացնելու առաջարկն արել էր Ռուսաստանի նախագահ Վլադիմիր Պուտինը։ Ուկրաինայի նախագահն էլ արձագանքել էր, որ պատրաստ է հինգշաբթի անձամբ հանդիպել Ռուսաստանի նախագահ Վլադիմիր Պուտինի հետ Ստամբուլում։
Այսօր՝ մայիսի 15-ին, Ստամբուլում ընթանում են ռուս-ուկրաինական բանակցություններ։ Ինչպես ակնկալվում էր՝ այդ բանակցություններին պետք է մասնակցեին Ռուսաստանի և Ուկրաինայի նախագահները, սակայն Վլադիմիր Պուտինը չի մեկնել Թուրքիա։ Ռուսական պատվիրակությունը գլխավորում է ՌԴ նախագահի օգնական Վլադիմիր Մեդինսկին։
Ուկրաինայի նախագահ Վլադիմիր Զելենսկին մեկնել է իր պատվիրակության հետ Թուրքիա, սակայն չի մասնակցում բանակցություններին։ Փոխարենը նա գնացել է Անկարա՝ հանդիպելու Թուրքիայի նախագահ Ռեջեփ Թայիփ Էրդողանին։
Պատմություններ
