Ձերբակալվել է 2020-ի նոյեմբերի 10-ի անկարգություններին մասնակցած 9 անձ

2020-ի նոյեմբերի 10-ին Կառավարության և Ազգային ժողովի շենքերում ու հարակից տարածքներում տեղի ունեցած զանգվածային անկարգությունների դեպքով ձերբակալվել է ևս 9 անձ։ Այս մասին հայտնում են քննչական կոմիտեից։

Նախաքննության տվյալներով՝ նշված անձինք պատերազմի դադարեցման վերաբերյալ հայտարարության հրապարակումից հետո՝ նոյեմբերի 10-ին, հավաքվել են կառավարության շենքի մոտ և մյուսների հետ միասին բռնի ուժով հաղթահարել են ոստիկանական պատնեշը, հարվածել շենքի մուտքի դռանն ու պատուհաններին, կոտրել դրանք և ներխուժել շենք։ Ներսում շարունակել են անկարգությունները՝ կոտրելով դռներ, վնասելով գույք և բռնություն գործադրելով։

Քննիչի միջնորդությամբ և դատախազի որոշմամբ ձերբակալվածների նկատմամբ հարուցվել է հանրային քրեական հետապնդում՝ ՀՀ Քրեական օրենսգրքի 327-րդ հոդվածի 1-ին մասով (զանգվածային անկարգություններին մասնակցելը)։ Դատարան են ներկայացվել միջնորդություններ՝ նրանց կալանավորելու վերաբերյալ։